Worldviews by Jefferson Martina

Curaçao Karnaval 2010 [ website www.freshlabinc.com ]

Sat, 20 Feb 2010 20:37:00 +0100

Curaçao Karnaval 2010

CTB si a hunga e wega bon

Sun, 08 Nov 2009 14:33:00 +0100

CTB si a mira un oportunidat den programa di “Ushi en Dushi”. Komo ku e ta un dje programanan mas mihó mira aworaki na Hulanda, nan a mira esei komo oportunidat pa propagandá Kòrsou.

Riba e link ku ta hiba bo na e website di Curacao.com bo por kana henter e ruta ku nan a mustra den e programa di “Ushi en Dushi”, e personahe Lucretia Martina ta splika algu di e sitio kaminda e ta. Por ehempel Dinah Veeris, Piscadera Baai etc.

Mas hende wak e programa -> Mas hende ta bishitá e website di Curacao.com -> mas hende ta kumpra un pasashi pa Kòrsou -> Mas turista -> Mas entreda -> Mas mihó ekonomia -> mas miho pa ami i abo!

Sto’i kritika ko’i kens awo, anto tira un bista riba e website i laga sa kiko bo ta pensa.

website: Lucretia Tour

[source via Ushi en Dushi]

Ushi en Dushi ta un programa di televishon na RTL aki na Hulanda...

Sun, 08 Nov 2009 14:13:00 +0100

Ushi en Dushi ta un programa di televishon na RTL aki na Hulanda kaminda Wendy van Dijk ta personifika un yu’i Kòrsou “Lucretia Martina” i un hapones “Ushi”. E programa ta masha bon mirá mes na hulanda ku 2.1 mion miradó.

A surgi kritika riba e programa di parti di e komunidat antiano na Hulanda i na Kòrsou komo ku e no ta ilustrando un antiano na drechi i e ta slòrdig hasí.

E’n berdat ami tanpoko no ta haña e programa masha prèt mes. Ni e aksènt, ni loke Wendy ta hasiendo no ta nada di yu’i Kòrsou. Uniko kos na e programa ku ta di Kòrsou ta e logo di Tele Curacao :P

Pero mi ta haña si ku nos mester STÒP di tuma tur kos personal. Esaki ta ègt un problema ku ami ta haña ku nos tin, nos ta tuma tur kos personal. E señora van Dijk ei ta un komediante, si e hulandesnan ta haña loke e ta hasi prèt, pabien pa nan. E programa no ta kita di loke nos ta i loke nos ta para p’e. Pakiko mester bai hasi henter un drama pa un programa bon kèns. Sto’i rabia pa kos di IDIOOT! Serio.

Si ami tabata minister of presidente di un dje organisashon di antianonan ei. Ami lo a djis saka un komunikado bisando ku e programa no ta prèt i einan bo ta mira ku e hulandesnan no sa nada di nos kultura. I ku mi ta spera ku Wendy hasi mas investigashon proksimo bia. Un hende ku ta aktua(ratu ratu) komo un antiano rasonablemente ta Jörgen Raymann di programa “Raymann is laat”.

Awor loga di nos purba di hasi algu positivo ku e kos aki, hunga e wega di media bèk ku nan, gana nan den nan mes wega. Nos ta rabia, forma un bululu, bai korte ku nan, kaminda ku ta daña so bo por daña e relashon ku e hulandesnan. Riba e website di Ushi en Dushi tin hasta propaganda pa Kòrsou. Ta mas turista so lo bai bin Kòrsou dor di e progama aki. Un biaha mas, stòp di tuma tur kos na kurason shonnan.

Keremi, ami NO ta masha fanatiko di Hulanda. Pero nos mester kuminsa uza nos mente mas tantu enbes di aktua dirèkt riba emoshon. Si nos ke gana e hendenan aki of konvense nan, nos mester kuminsa purba “beat them at their own game”.

Talentonan Skondí: Cecil Kleine

Fri, 06 Nov 2009 15:19:04 +0100

Ken ta Cecil?
Ami ta Cecil Kleine, mi a nanse na Merka pero despues di un pari luna na Florida i despues Hulanda, mi mayornan a disidí bai Kòrsou bèk pa lanta ami i mi ruman muhenan kaminda nan mes a krese. Mi mayornan ta opera un kompania spesialisá den tuinaanleg na Kòrsou. Nan ta Ben Kleine i Vivian Dolorita. Foi chiki mi tabatin interes pa deporte i arte. Mi a partisipa den deporte mane tènes, futbòl, paintball i jiu jitsu. Band’i deporte mi gusta pinta, skibi, lesa, biaha, kushina, fotografia, i pelikula.

Despues di a haña mi diploma na MIL, mi a move bai Hulanda ku 19 aña. Sin tin idea di kiko mi kera hasi ku mi futuro, mi a eksperimenta ku estudionan, kambiando di Cultuurwetenschappen, purba Bedrijfskunde te ku mi a haña ku mi kera hasi Economie i spesialisa den Marketing. Mi ke hasi algu ku ta dunami e espasio pa hasi algu kreativo i ku tin un ambiente di kompetensia.

Ki ba hasi anto?
Di tur e deportenan ku mi a purba na Kòrsou, esun ku a bira mi pashon tabata paintball. Na Kòrsou no ta tin masha hende ta partisipa den e deporte, anto despues ku e hungadonan ku mas eksperensia a bai Hulanda pa bai studia, e deporte a kuminsa muri na Kòrsou. A pesar di esaki, ami i un grupo di hungadonan fiel a keda traha duru pa por sigi ku e deporte. Esaki a sigi asina te ku e dia a bin ku mi mes mester a bai Hulanda.

Einan mi a sera konosí ku e ekipo Amsterdam Xistence, e team ku mas eksito na Hulanda. Mi a haña mi chèns pa hasi un try out na un kompetensha na Bèlgika i e team a disidi di lagami drenta. Mi tabata e prome hungando den e ekipo ku no a nanse na Hulanda. Awoki mi ta den mi di tres aña ku Amsterdam Xistence, ku awoki ta konsisti di 12 hungando di kua 5 ta yu’i Korsou.

Durante e tempu aki e team a wordu promové na e liga Semi Professional di Europa , gana e kampianato di Hulanda tumando e prome i di dos luga ku dos squad i hunga na evenementonan na diferente pais mane Spaña, Fransia, Inglatera, Alemania, Bègika i Turkia. Mi a sera amistad ku hungadonan di rònt mundu i mi a haña un bista den nan kultura i a mustra nan un tiki di nos.

Si un hende lo a bisami 3 aña pasa ku mi lo hasi tur e kos nan aki, lo mi a hari nan. Paintball a duna ami e oportinidat pa por biaha, haña amigu rònt mundu i hunga e deporte ku mi stima. E eksperiensia ta algu ku a siñami hopi. Pero e kosnan mas importante ta pa semper sigi bo kurason i lo bo haña sa ku bo por logra mas ku bo ta kere i por imagina.

Ki tin pa mañan?
Loke mi ke hasi den mi futuro, ta kaba mi estudio na prome luga i kuminsa mi carriere den e mundu di marketing, preferibel un posishon ku ta lagami biaha i mira mas di mundu. Mi ta kere ku semper lo mi keda aktivo den e mundu di paintball, hungando te dia mi kurpa no por mas i hasi mi pida pa yuda e deporte krese. Kòrsou a krea hopi hungado ku talento ku a drenta e nivelnan di mas haltu den paintball na Hulanda. Hungadonan ku a bin for di un isla chikitu ku tiki fasilidat di paintball. Ami lo ke mira mas yu’i Korsou tuma loke nan stima i hasie nan kontribushon, sea ta talento den deporte, estudio, arte of mundu di empresa.

website: www.teamxistence.nl

Jiga-Vôo ta e banda nobo ku Roël Calister a forma huntu ku...

Sat, 31 Oct 2009 20:45:00 +0100

Jiga-Vôo ta e banda nobo ku Roël Calister a forma huntu ku Magda Mendes i Praful. Nan prome cd titulá ‘Instinto’ ta trese kantikanan na portugues ku un toke afro-brazileño i jazz.

Ami gusta e tipo di müziknan aki, nan ta hasimi kontentu apesar di esei nan ta lagami drumi dushi. Hopi nèchi nan ta zona hom. Djis chèk e cd, anto ta ya, si bo gusté, kumpré.

webiste: www.jigavoo.com
kumpré cd na: bol.com

[video via Selwyn de Wind]
[image via Pic-Sel]

Deva-Dee den un aviso ku Fundashon Sinta Ros a saka pa hisa...

Fri, 30 Oct 2009 17:31:00 +0100

Deva-Dee den un aviso ku Fundashon Sinta Ros a saka pa hisa konsiensia riba kanser di pechu.

Hopi nèchi! wow!
Un komplimènt tambe pa e fotograf.

[photo by Lysaye de Windt]

Talentonan Skondí: Rayni Rijke

Fri, 30 Oct 2009 16:37:00 +0100

Ken ta Rayni?
Ami ta Rayni Rijke, Yu di e dushi isla Kòrsou, nansé den e bunita aña di 1985.

Ki ba hasi anto?
Na Kòrsou mi a bai Maria Immaculata Lyceum kaminda mi a hasi HAVO. Despues mi a bin Hulanda pa studia. Promé mi a hasi Technische Natuurkunde, pero despues mi a kambia bai pa Commercieel Ingenieur.
Banda di esei pa basta tempu kaba mi tabata kana ku e idea pa tin un negoshi dimi mes. Semper mi tabata gusta e idea pa tin un empresa di mi mes ja mi por dal bai ku mi mes ideanan. Na 2008 mi a kuminsá ofisialmente ku XR Media. XR Media ta enfoká mas tantu riba trahamentu di websites, pero tambe riba algun proyektonan di nos mes. Un di esnan aki ta TeraFriu.com kua ta un idea di ami ku mi ruman.

Ki tin pa mañan?
Pa ami mes mi ta mira ku mañan mi empresa mester a krese i bira mas grandi. Mi mester por a hasi algu ku tur e ideanan ku mi tin den mi mente i mi mester por biba trankil.
Pa Kòrsou mi ke mira nos ta yuda nos mes bai dilanti. I tambe exporta e “produkto Kòrsou” den eksterior. No per sé komo algu turistiko pero komo know-how ku nos yunan di tera ta kria rond mundu pero ku nos no por huza na nos dushi Kòrsou. Poniendo ku hopi no ta bai bèk pa yuda e isla.

website: www.xrmedia.net

Lil’ Wayne ta menshona Curacao den su kantika. Chèk banda...

Fri, 30 Oct 2009 16:36:00 +0100

Lil’ Wayne ta menshona Curacao den su kantika. Chèk banda di 2.33 minüt di e clip.

oh she a good girl, I got her transforming,
she give me hot head, I call it global warming,
if we don’t do it dog, lets do it now,
I am more animal then the zoo allowed,
put me in the wild, Ill be there for a while,
you niggas little league, call em Curacao

Mi’n sa kiko e ke bisa eksaktamente, pero segunmi e kemen ku Kòrsou ta chiki. Kemen bosnan(niggasnan ku e ta diss) ta little league, mi ta yama bosnan Kòrsou. Pero kontal, sikiera e la menshona Kòrsou den su freestyle, anto Kòrsou TA chiki tambe.

[thanks Shandra]

Talentonan Skondí: Shenna Heykoop

Thu, 29 Oct 2009 14:16:00 +0100

Ken ta Shenna?
Ami ta Shenna Heykoop,mi tin 24 aña di edat. Seis aña pasá mi a bini Hulanda pa mi kontinuá ku mi estudio. Mi a hasi mi bèst i tur kos a kana segun plan. Dos aña pasa mi a haña mi HBO diploma di Personeel en Arbeid.
Ami ta un hende hopi kreativo. Fo’i chikí mi tabata bezig ku “ knutselwerk” i makiyahe. Mi tin un pashon pa makiyá fo’i dia mi tabata tin 13 aña. I mi ta pensa si un hende tin un talento, e no mester lag’é bai pèrdí sino hasi uzo di dje i sigui desaroy’é. P’esei ma tuma e desishon di sigui un kurso di makiyá. Tur kos a kana segun plan i den zomer 2009 mi a haña mi diploma di makiyadó. Pa ami “visagie” ta mas ku djis makiyahe, e ta un arte ku ta bin fo’i un idea òf inspirashon.

Ki ba hasi?
Get a Look!
Mané mi a kaba di bisa, makiyahe ta un arte. Tin diferente stail di makiyahe. Ami a parti nan den diferente kategoria. Asina un kliente por skohe kon e kier ta òf ken e kier ta.
“Simple- Stylish- Sparkle- Sweet & Sexy”

Simple: Esaki ta un makiyahe simpel pa den dia òf un look natural pa photo shoot.

Stylish: E makiyahe aki ta un “fashion make up” ku ta den moda tantu aworaki komo den pasado. Por èhèmpel, makiyahe di añanan nan 20 òf 60.

Sparkle: E makiyahe aki ta un “glamour make up” ku stenchi i gleter i esaki ta speshal pa photo shoot.

Sweet and sexy: E ta papia pa su mes. Un makiyahe “sweet i sexy”.

Aparte di e diferente “looks” nan menshoná mi ta makiyá kliente pa kasamentu. E makiyahe di un brùit ta un di e punto di mas importante p’e riba dia di su matrimonio. Ta un dia masha importante p’e, i e mester sintié hopi konfortabel. Ta p’esei un makiyahe apropiá ta un elemento hopi esensial. E persona por skohe pa un aparensia natural i bunita òf algu mas elegante esei ta eskoho di e brùit. Naturalmente e kolo di bisti, su bukèt, e trahe di su futuro esposo etc. Tur esaki mester tene kuenta kuné, na momentu ku bo skohe e makiyahe.

Makiyahe pa hende hòmber: Den mundu di moda i “entertainment” ta masha komun ku hende hòmber ta usa makiyahe. Aktornan, presentadónan i modelonan tur ta usa makiyahe dilanti di kámara. Te hasta den e mundu farandulero tin hende hòmber ku ta usa makiyahe [ Jeff:Serio? :-o :P ]. Danki pa e hòmber ku ta makiyá, nos por kamuflá iregularidatnan i suavisá sikatrisnan, sombranan pretu i sakunan bou di wowo.

Ki tin pa mañan?
Mi plannan:
Mi tin un pashon pa makiyá . Mi ke sigui desaroyá mi talento riba e tereno di makiyahe. Awor mi tei kuminsá ku “hairstyling” tambe, pa asina mi bira un profeshonal den e funshon di “make up artist all around “
Esei tabata un tiki di Shenna i su vishon.

website: www.shennavision.com
email: info at shennavision dot com

[ image via ShennaVision ]

Ha…..Bosnan tabata sa di esaki. Grand Prix na Kòrsou ku...

Wed, 28 Oct 2009 21:18:00 +0100

Ha…..Bosnan tabata sa di esaki. Grand Prix na Kòrsou ku outonan di kareda manera di Formula 1. No ta outonan di F1 mes, segunmi. Pero e’n todo kaso. HOPI MASTER MES!!

Talentonan Skondí: Elroy Peters

Mon, 26 Oct 2009 14:57:00 +0100

Ken ta Elroy Peters?
Mi ta un hoben yu di Kòrsou nase dia 26 december 1986. Mi ta bin for di un famia di 6 ruman. 4 muhé i dos homber. Ami i mi ruman ohochi. Mi mayornan semper a siñami pa mi lucha pa loke mi ke, pero sòru pa semper mi yega na loke mi ke yega den un manera korekto. Ne momentunan aki mi ta bibando na hulanda (Eindhoven). Mi ta haña akinan hopi bon paso e ta rustig meskos ku mi. Mi no gusta bochincha ni bònbòshí mashá. Pero mi sa si kon pa hasi wega i pasa pret ora mi ta huntu ku mi amistadesnan. Mi ta den mi lastu aña di skol awoki na HBO i mi ta siñando pa bira un software engineer (computer geek) :P.

Ki ba hasi anto?
Wèl mi a yega di hasi hopi kos den mi bida. Pero kosnan ku mi ta orguyoso di dje ta mi partisipashon i triunfo den Arte di Palabra di aña 2003. Mi ta hopi orguyoso di esei. Aktualmente bo por haña e poesia pa lesa den e buki di kompilashon di poesia i kuenta ku arte di palabra a saka. Banda di poesia, mi ta bezig ku opvang week di Eindhoven aktualmente, kaminda nos ta yuda e studiantenan ku a kaba di yega hulanda regla tur nan kosnan na hulanda. Na e momentunan aki mi a lanta un negoshi di drecha lèptòp i kompiüter i esei tambe ta bayendo bon. Den poko palabra bisá. Mi ta hasiendo hopi.

Ki tin pa mañan?
Wèl mañan no ta di nos, pero tòg mi ta spera ku tur kos bai bon e aña aki ya asina mi por logra haña mi diploma. Tambe mi ta spera mi negoshí bira mas grandi ya asina mi por sigui hasi e lokual mi gusta. Banda di esei mi tin pensá di bai traha na un kompaniá na hulanda ya asina mi por kue mas eksperensia den mi rango. Mi ta spera ku Kòrsou por avansá un poko mas den futuro ya asina mi por bai bèk mi dushi isla sabiendo ku mi por tin un trabou of ku mi por lantá mi negoshí sin wordú wantá atras. Tambe mi ta spera ku Kòrsou por sigui engrandesé i ku su yunan tambe sigui hasi kosnan positivo pa saka kara di nan isla.

website: www.komtek.nl

DJ Zoontje ta DJ R01 anto. Bon si. Bida nobo, scene nobo, müzik...

Sat, 24 Oct 2009 21:50:08 +0200

DJ Zoontje ta DJ R01 anto. Bon si. Bida nobo, scene nobo, müzik nobo. Parse ku e ta bai konsentrá mas tantu riba Latin House.

Nos tin ku wak ki tei pasa. Dal bai.

Izaline Calister ta gana premio Edison 2009

Sat, 24 Oct 2009 21:28:34 +0200

Izaline Calister ta gana e premio Edison 2009 pa jazz i müzik mundial. Ta trata aki di su lastu cd ku e la saka, “Speransa”. E otro nominadonan tabata e albomnan ‘Aurora’, by Avishai Cohen, and ‘Kronos’ by Cristina Branco. Niun di e sobranan ei mi’n konosé.

Premio Edison ta un premio ku nan ta ortogá tur aña na Hulanda. Notabel ta ku e ta esun di mas bieu na hulanda i ku for di 1960 nan ta ortogá e premio aki anualmente. Tin diferente kategoria manera: müzik klasiko, pòp i jazz. Bo por kompara e premio Edison ku e Grammy merikano òf ku e premio Victoire na Fransia.

[image via Pic-Sel]
[source via IzalineCalister.com]

Izaline Calister su video clip nobo “Mi Pais” di su...

Thu, 22 Oct 2009 17:41:49 +0200

Izaline Calister su video clip nobo “Mi Pais” di su lastu cd titula “Speransa”. E video clip ta hopi bunita. E varios shòtsnan di e bunita paisahenan na Kòrsou ta na bo un sintimentu di nostalgia.

Chèk e bosnan mes i laga sa ki bo ta pensa.

Ay nò.. Ta ki a pasa Kanye yu.Ami’n ta komprendiendo kiko...

Wed, 21 Oct 2009 10:50:37 +0200

Ay nò.. Ta ki a pasa Kanye yu.
Ami’n ta komprendiendo kiko e ke ilustra den e short film aki no.

Hopi ‘weird’.

Politics Explained

Mon, 19 Oct 2009 22:01:00 +0200

Politics Explained:

Mi tabata wakiendo par di kos riba internet, en bes di traha riba mi tareanan di skol. Ma kai riba e kos aki. E ta pret, depende kon bo humor ta i si bo ta komprende naturalmente :P

FEUDALISM: You have two cows. Your lord takes some of the milk.

PURE SOCIALISM: You have two cows. The government takes them and puts them in a barn with everyone else’s cows. You have to take care of all of the cows. The government gives you as much milk as you need.

BUREAUCRATIC SOCIALISM: You have two cows. The government takes them and put them in a barn with everyone else’s cows. They are cared for by ex-chicken farmers. You have to take care of the chickens the government took from the chicken farmers. The government gives you as much milk and eggs as the regulations say you need.

FASCISM: You have two cows. The government takes both, hires you to take care of them and sells you the milk.

PURE COMMUNISM: You have two cows. Your neighbors help you take care of them, and you all share the milk.

RUSSIAN COMMUNISM: You have two cows. You have to take care of them, but the government takes all the milk.

CAMBODIAN COMMUNISM: You have two cows. The government takes both of them and shoots you.

DICTATORSHIP: You have two cows. The government takes both and drafts you.

PURE DEMOCRACY: You have two cows. Your neighbors decide who gets the milk.

REPRESENTATIVE DEMOCRACY: You have two cows. Your neighbors pick someone to tell you who gets the milk.

BUREAUCRACY: You have two cows. At first the government regulates what you can feed them and when you can milk them. Then it pays you not to milk them. Then it takes both, shoots one, milks the other and pours the milk down the drain. Then it requires you to fill out forms accounting for the missing cows.

PURE ANARCHY: You have two cows. Either you sell the milk at a fair price or your neighbors try to take the cows and kill you.

LIBERTARIAN/ANARCHO-CAPITALISM: You have two cows. You sell one and buy a bull.

SURREALISM: You have two giraffes. The government requires you to take harmonica lessons.

Alicia Keys’ new video clip “Doesn’t Mean...

Mon, 19 Oct 2009 17:26:59 +0200

Alicia Keys’ new video clip “Doesn’t Mean Anything”. A very beautiful song and she looks great in the video clip.

"It’s not how good you are, it’s how good you want to be."

Mon, 19 Oct 2009 11:15:11 +0200

“It’s not how good you are, it’s how good you want to be.”

- Paul Arden